Friday, July 31, 2015

பணி ஒய்வு சிறக்க வாழ்த்துக்கள்
இன்று (31-7-2015) பணி ஒய்வு பெறும் தோழர்களின் ஓய்வுகாலம் சிறக்க மாவட்ட சங்கத்தின் வாழ்த்துக்கள்!

பணிஓய்வு பெறும் தோழர்கள்
S.பாலன்-TM ஸ்ரீமுஷ்ணம்
K.லக்ஷ்மிநாராயணன்-TM சிதம்பரம்
S.பழனிசாமி-TM புவனகிரி
K.முத்துசாமி-TM CCSM

M.சுப்பையன்-TM, நெய்வேலி TS

Thursday, July 30, 2015

பணிஓய்வு பாராட்டு

தோழர் S.பாலன் TM.திருமுட்டம் அவர்களின் பணிஓய்வு பாராட்டு கூட்டம் திருமுட்டம் திருவள்ளுவர் திருமண மண்டபத்தில் 30-07-2015 காலை 11:00 மணிக்கு தோழர்கள் K.நாவு, M.தேவராஜன் ஆகியோர் தலைமையில் நடைபெற்றது. திரு.M.குப்புசாமி SDE வரவேற்புரை நிகழ்த்ததோழர்கள் D.ரவிச்சந்திரன், A.மகாலிங்கம், S.வரதராஜன் TTA, அய்யனார்-JTO, மற்றும் உறவினர்கள் வாழ்த்த தோழர். V.பாலகிருஷ்ணன். கிளைசெயலர். KTL அவர்கள் நன்றி கூற விழா இனிதே நிறைவுற்றது.










GM அலுவலக்கிளை பொதுக்குழு

இன்று (30-07-2015) GM அலுவலக்கிளை பொதுக்குழு கூட்டம் தலைவர் தோழர் D.துரை அவர்கள் தலைமையில் நடைபெற்றது. தோழர். P.ஜெயராஜ் வரவேற்புரை நிகழ்த்த மாவட்ட செயலர் தோழர்.இரா.ஸ்ரீதர் மாவட்டத்தில் உள்ள பிரச்சனைகள் மற்றும் தீர்வுகளை விளக்கினார் மேலும் அவர் சில பொதுத்துறைகளுக்கு வழங்கப்படவேண்டிய ஊதிய உயர்வு இன்னும் வழங்கப்படாமலிருக்கிறது. NLC ஊழியர்களுக்கு 2007 க்கு பிறகு ஐந்தாண்டுகளுக்கு ஒருமுறை ஊதிய உயர்வு வழங்கப்படவேண்டும் அதனடிப்படையில் 2012 ல் வழங்கப்படவேண்டிய ஊதிய உயர்வு இன்னும் வழங்கப்படாமலிருப்பதை கண்டித்து வேலைநிறுத்தம் நடைபெறுகிறது. இதுபோல் BSNL நிறுவனத்தில் BSNLEU வின் தவறான ஊதிய உடன்பாட்டால் பத்தாண்டுகளுக்கு ஒருமுறை என்ற நிலை ஆனதால் நமக்கு 2012 ல் கிடைக்கவேண்டிய ஊதிய மாற்றம் 2017க்கு தள்ளிப்போனது எனவும், மேலும் விபத்தில் படுகாயமடைந்த OFC TEAM தோழர்களுக்கு உதவி புரிந்த தோழர்களுக்கு மாவட்ட சங்கத்தின் சார்பில் நன்றி கூறினார். கூட்டத்தில் மாவட்ட பொருளர் தோழர்.A.சாதிக்பாஷா, மாவட்ட உதவி செயலர் தோழர் D.குழந்தைநாதன் ஆகியோர் கலந்து கொண்டனர். கூட்டத்தில் பணி ஓய்வுபெற்ற தோழர்களின் பாராட்டு விழா நடத்துவது எனவும், அவ்விழாவிற்கு தோழர்கள் ரூபாய் இருநூறு நன்கொடை அளிப்பது எனவும் முடிவெடுக்கப்பட்டது. GM அலுவலகத்தில் பணிபுரியும் ஊழியர்களின் சுழல்மாற்றத்தை அவசியம் விரைந்து நடத்துவது எனவும் முடிவெடுக்கப்பட்டது. தோழர் S.குருபிரசாத் நன்றி கூறினார். தோழர்கள், தோழியர்கள் திரளாக கலந்து கொண்டனர்.







திண்டிவனம் புகழஞ்சலி கூட்டம்

மறைந்த முன்னாள் குடியரசுத் தலைவர் அப்துல் கலாமுக்கு திண்டிவனத்தில் அனைத்து அதிகாரிகள், ஊழியர்கள் சார்பில் புகழஞ்சலி கூட்டம் தோழர்.நடராஜன் SDE/TNV அவர்கள் தலைமையில் நடைபெற்றது. அதிகாரிகள், ஊழியர்கள் பெரும்திரளாக கலந்து கொண்டு அஞ்சலி செலுத்தினர்.
 




சிதம்பரம் புகழஞ்சலி கூட்டம்


சிதம்பரம் கோயில் தொலைபேசி நிலைய வாயிலில் தோழியர் V.உஷா SDE/CDM அவர்கள் தலைமையில் புகழஞ்சலி கூட்டம் நடைபெற்றது. தோழர்கள். K.நாவு, G.S.குமார், R.ரவிகுமார் அஞ்சலி உரைநிகழ்த்தினர்.


Wednesday, July 29, 2015

==============================================
GM அலுவலக கிளைபொதுக்குழுக் கூட்டம்
30-07-2015 மதியம் உணவு இடைவேளை 
தலைமை: தோழர்.D.துரை கிளைத்தலைவர்

வரவேற்புறை: தோழர்.P.ஜெயராஜ்

சிறப்புரை : தோழர்.இரா.ஸ்ரீதர் மாவட்டசெயலர்

நன்றியுரை : தோழர்.S.குருபிரசாத்,
அனைவரும் வருக!
தோழர்.S.ராஜேந்திரன் கிளைச்செயலர்
===========================================================
30-07-2015 காலை 11-மணியளவில் கடலூரில் 
WORKS COMMITTEE கூட்டம் நடைபெறும்
========================================================================
கள்ளக்குறிச்சி கிளை பொதுக்குழுக்கூட்டம்
கள்ளக்குறிச்சி கிளை பொதுக்குழுக்கூட்டம் கிளைத்தலைவர் தோழர். K.பாண்டியன் தலைமையில் இன்று(29-07-2015) மாலை நடைபெற்றது. கூட்டத்தில் மாவட்ட செயலர் தோழர்.இரா.ஸ்ரீதர் கலந்து கொண்டு சிறப்புரையாற்றினார். மாவட்ட துணைத்தலைவர் தோழர்.P.அழகிரி கலந்து கொண்டார். மற்றும் கிளை உறுப்பினர்கள் பலரும் கலந்துகொண்டு தங்கள் பகுதியில் உள்ள பிரச்சனைகளை பற்றி எடுத்துரைத்தனர்.
கூட்டத்தில் அதிகாரிகள்/உறுப்பினர்கள் கலந்தாய்வுக்கூட்டத்தின் நிகழ்வுகள் ஆய்வு செய்யப்பட்டது.
நிர்வாக தரப்பில் இருந்து போதுமான அளவு முன்னேற்றம் தேவைப்படுகிறது. மேலும் கள்ளக்குறிச்சி கோட்டப்பொறியாளர் ஊழியர் சங்க பிரதிநிதிகளை சந்திப்பதில் போதுமான அக்கறை காட்டுவதில்லை. ஊழியர் சங்க பிரதிநிதிகளை மாதம் ஒருமுறையேனும் சந்தித்து பிரச்சனைகளை தீர்க்கவேண்டும் என இப்பொதுக்குழு வலியுறுத்துகிறது.
செப்டம்பர்’2 வேலைநிறுத்தத்தில் தோழர்கள் அனைவரும் முழுமையாக கலந்துகொள்வது எனவும் முடிவெடுக்கப்பட்டது.

கூட்டத்தை கிளை செயலர் S.மணி சிறப்பாக ஏற்பாடு செய்திருந்தார்.
========================================================================

Tuesday, July 28, 2015

மக்களின் ஜனாதிபதி அவர்களுக்கு புகழஞ்சலி


இன்று (28-07-2015) முன்னாள் ஜனாதிபதி திரு. APJ. அப்துல்கலாம் அவர்களின் மறைவிற்கு  கடலூர் அலுவலக வாயிலில் அனைத்து ஊழியர்கள் மற்றும் அதிகாரிகள் சார்பில் புகழஞ்சலிக்கூட்டம் மாவட்ட செயலர் தோழர்.இரா.ஸ்ரீதர் அவர்கள் தலைமையில் நடைபெற்றது. BSNLEU சார்பில் K.T.சம்பந்தம், FNTO சார்பில் P.ஜெயபாலன், NFTE சார்பில் சம்மேளன செயலர் தோழர் G.ஜெயராமன், SNEA சார்பில் P.சிவக்குமரன், AIBSNLEA சார்பில் திரு.K.சாந்தகுமார் DGM(FIN), SNATTA சார்பில் K.சிவசங்கரன் ஆகியோர் புகழஞ்சலி செலுத்தினர். இக்கூட்டத்தில் அதிகாரிகள் மற்றும் ஊழியர்கள் பலரும் திரளாக கலந்து கொண்டனர்.







கேடர் பெயர் மாற்றம்

BSNL-ல் பணிபுரியும் non executive கேடர் பெயர் மாற்றம் குறித்த பிரச்னை பல சுற்று பேச்சு வார்த்தைக்குப்பின் இன்று நடைபெற்ற கூட்டத்தில் ஒப்புக்கொள்ளப்பட்டுள்ளது. உத்தரவு விரைவில் வெளிவரும்.

Ø TELECOM MECHANIC – TELECOM TECHNICIAN
Ø REGULAR MAZDOOR – TELECOM ASSISTANT
Ø T T A   - JUNIOR ENGINEER
Ø Sr.TOA ( NE 7 to NE 10) – OFFICE ASSOCIATE
Ø Sr.TOA ( NE 11&NE12)- OFFICE SUPERINTENDENT
என மாற்றம் செய்யப்பட்டுள்ளது.

மத்திய சங்கத்திற்கு நன்றி.

Monday, July 27, 2015


இந்தியாவின் தலைசிறந்த விஞ்ஞானி, தொழில்நுட்ப வல்லுநர்,  இந்தியாவின் 11 வது குடியரசு தலைவர், இந்திய ஏவுகணை நாயகன், இந்திய விஞ்ஞான வளர்ச்சியின் தந்தை, சிறந்த ஆசிரியர் மற்றும் அனைவராலும் மதிக்கதக்க அற்புதமான பேச்சாளர், வருங்கால இளைஞர்களின் முன்மாதிரியாக கருதப்படும் நம் எல்லோருக்கும் தெரிந்த ஏ.பி.ஜே அப்துல் கலாம் அவரகள் 2002 ஆம் ஆண்டு இந்தியாவின் 11 வது குடியரசு தலைவராக ஜூலை 25 ஆம் நாள் 2002 ல் பதவியேற்றார். குடியரசு தலைவராவதற்கு முன், இந்தியாவின் மிகப்பெரிய விருதான பாரத ரத்னா விருதுமத்திய அரசு இவருக்கு வழங்கி கௌரவித்தது. மேலும், “பாரத ரத்னாவிருது பெற்ற மூன்றாவது குடியரசு தலைவர் என்ற பெருமையைப் பெற்றார். 2007 ஆம் ஆண்டு வரை குடியரசுத் தலைவராக இருந்த இவர் மக்களின் ஜனாதிபதிஎன்று அனைவராலும் அன்போடு அழைக்கப்பட்டவர்.

இன்று இரவு (27-07-2015) மாரடைப்பால் காலமானார். அவருக்கு நமது மாவட்ட சங்கத்தின் அஞ்சலியை உரித்தாக்குகிறோம்.

Sunday, July 26, 2015

சிதம்பரம் கிளை பொதுக்குழுகூட்டம்


பொதுக்குழுகூட்டம் 25-07-2015 சனிக்கிழமை மாலை நடைபெற்றது. கூட்டத்தை கிளை தலைவர் தோழர் K.நாவு தலைமை ஏற்று வரவேற்புரையாற்றினார். இக்கூட்டத்தில் தலமட்ட பிரச்சனைகள் பற்றி விவாதிக்கப்பட்டது. கிளை உறுப்பினர்கள் அனைவரும் கலந்து கொண்டு தங்களது கருத்துக்களை எடுத்துரைத்தனர்.தோழர் S.வரதராஜன் TTA அவர்கள் கேபிள் பற்றிய வரைபடம் அந்தந்த பகுதில் உள்ள TM மற்றும் ஏற்கனவே அந்த பகுதியில் பணியாற்றிய தோழர்களை கொண்டு தயாரித்தால் கேபிள் பழுதுகளை விரைவாக நீக்கமுடியும் மேலும் வருங்காலத்திலும் இந்த வரைபடம் பயனுள்ளதாக அமையும் என ஆலோசனை கூறியது அனைவராலும் பாராட்டப்பட்டது. அண்ணாமலை நகர், புவனகிரி பகுதியில் சில பில்லர்கள் பழுதடைந்து தளம் போடப்பட்டு பல வருடம் ஆகியும் பில்லர் பராமரிப்பு பணி நடைபெறவில்லை. நகர பகுதிகளில் புதியதாக கட்டப்படும் அடுக்கு மாடி குடியிருப்புகளுக்கு தேவையான கேபிள்களை போட்டு வைத்தால் புதிய இணைப்பு வழங்க பயனுள்ளதாக அமையும் எனவும் தோழர்களால் ஆலோசனை வழங்கப்பட்டது.மாவட்ட செயலர் இரா.ஸ்ரீதர் அவர்கள் சிறப்புரையாற்றி இன்றைய நிகழ்வுகளை எடுத்துக்கூறினார்.பொதுக்குழுவை மாதம் ஒரு முறை நடத்தினால் பிரச்சனைகள் தீர்வில் காலதாமதம் ஏற்படாது.கேபிள் பணிக்கான புதிய ஒப்பந்தம் இந்த மாதம் போடப்படும் அதனால் கேபிள் பணிக்கான ஆள் பற்றாக்குறை தீர்க்கப்படலாம். சில பொதுத்துறைகளுக்கு வழங்கப்படவேண்டிய ஊதிய உயர்வு இன்னும் வழங்கப்படாமலிருக்கிறது. NLC ஊழியர்களுக்கு 2007 க்கு பிறகு ஐந்தாண்டுகளுக்கு ஒருமுறை ஊதிய உயர்வு வழங்கப்படவேண்டும் அதனடிப்படையில் 2012 ல் வழங்கப்படவேண்டிய ஊதிய உயர்வு இன்னும் வழங்கப்படாமலிருப்பதை கண்டித்து வேலைநிறுத்தம் நடைபெறுகிறது. இதுபோல் BSNL நிறுவனத்தில் BSNLEU வின் தவறான ஊதிய உடன்பாட்டால் பத்தாண்டுகளுக்கு ஒருமுறை என்ற நிலை ஆனதால் நமக்கு 2012 ல் கிடைக்கவேண்டிய ஊதிய மாற்றம் 2017 க்கு மாறியது.புதிய ஊதியம் நமக்கு கிடைக்க வேண்டுமானால் நமது துறை லாபமீட்டும் துறையாக மாறினால் தான் கிடைக்கும் அகவே நமது தோழர் இன்னும் சிறப்பாக களப்பணியாற்றவேண்டும் என மாவட்ட செயலர் வலியுறித்தினார் சிதம்பரத்தில் கலந்தாய்வு கூட்டம் நடைபெற்று ஒருமாதமாகியும் இன்றுவரை ஊழியர்களுக்கு தேவையான HMT, CRONE TOOL மற்றும் எவ்வித  உபகரணங்களும் வழங்காத நிர்வாகத்தை கண்டித்து ஆர்ப்பாட்டம் நடத்திடவேண்டும். மேலும் ஜூலை மாத இறுதிக்குள் அனைத்து உபகரணங்களும் வாங்கி தர நிர்வாகத்தை வலியுறுத்த வேண்டும் என மாவட்ட செயலர் தனது உரையில் கூறினார்..


Thursday, July 23, 2015

திண்டிவனம் கிளை பொதுக்குழுகூட்டம்
திண்டிவனம் கிளை பொதுக்குழுகூட்டம் 23-07-2015 புதன்கிழமை மாலை  நடைபெற்றது. அவ்வமயம் கிளையின் புதிய அறிவிப்புப்பலகையை  மாவட்ட செயலர் இரா.ஸ்ரீதர் அவர்கள் திறந்து வைத்து சிறப்புரையாற்றி இன்றைய நிகழ்வுகளை எடுத்துக்கூறினார். இக்கூட்டத்தில்  தலமட்ட பிரச்சனைகள் பற்றி விவாதிக்கப்பட்டது. கிளை உறுப்பினர்கள் அனைவரும் கலந்து கொண்டு தங்களது கருத்துக்களை எடுத்துரைத்தனர்.


குறிப்பு: கிளைகள் தோறும் இரண்டு மாதம் ஒருமுறை தலமட்ட பிரச்சனைகள் பற்றி விவாதிக்க பொதுக்குழு நடத்துமாறு கேட்டுக் கொள்ளப்படுகிறார்கள்.


பண்ருட்டி தோழர் S. உத்திராபதி TM அவர்களின் தாயார் நேற்று (22-7-2015)இரவு 9-00 மணியளவில் இயற்கை எய்தினார் என்பதை ஆழ்ந்த வருத்தத்துடன் தெரிவித்துக்கொள்கிறோம். அவரது பிரிவில் வாடும் தோழருக்கும், அவர்தம் குடும்பத்தாருக்கும் மாவட்ட சங்கத்தின் இரங்கலைத் தெரிவித்துக்கொள்கிறோம். அன்னாரது இறுதி நிகழ்ச்சி இன்று (23-7-2015) மாலை 4மணிக்கு அவரது இல்லம் பண்ருட்டி விழமங்கலம் என்ற இடத்தில் நடைபெறும்.

Saturday, July 18, 2015

Meeting with CGM for TTA issues
Comrade Pattabi and Com.Murali met CGM and discussed issues pertaining to JTO LICE and other TTA issues.

1. Compliance will be sent to Corporate Office on Calculation of vacancies.
2. Legal opinion will be sought and if needed opinion from corporate Office will also be sought on publication of JTO LICE results.
3. On filing of SLP, the decision of the Corporate Office will be followed.
4. With regard to Offg JTO Pay fixation under FR 22 1 a i, instructions will be sent to SSAs wherever problem in fixing of pay is faced.
5. On the recently issued orders on one increment to TTAs appointed after         1.1.2007, SSAs will be asked to do the fixation immediately.

6. Action will be taken for early publication of TTA LICE results.
மனிதம் மலரட்டும்..
புனிதம் பெருகட்டும்..

அன்பு வளரட்டும்..
அமைதி பரவட்டும்..

சகோதரத்துவம் தழைக்கட்டும்..
சமாதானம் உயரட்டும்..

அனைவருக்கும்
இனிய  ரமலான்

நல்வாழ்த்துக்கள்!
தமிழ் விழா
தோழர் சிரில் நினைவு அறக்கட்டளை நடத்தும் தமிழ்விழா 16-ஆம் ஆண்டாக கடலூர் பொதுமேலாளர் அலுவலக வளாகத்தில் கல்விக் கண் திறந்த கர்ம வீரர் காமராசர் அவர்களின் பிறந்த நாளான சூலை 15-ஆம் நாள் அன்று மாலை வெகு சிறப்பாக நடந்தேறியது.
     அறக்கட்டளை உறுப்பினர் க.செயசந்தர்  வந்திருந்தோர் அனைவரையும் சுருக்கமாக வரவேற்றார். அறக்கட்டளை தலைவர் க.சீனிவாசன் தமது தலைமையுரையில் உணர்ச்சி பொங்கும் கவிதை பிரவாகத்தோடு காமராசர் புகழை எடுத்துரைத்தார்.
     அடுத்து, அறக்கட்டளையின் மேனாள் ஒருங்கிணைப்பாளரும் தமிழக  அரசின் விருது பெற்ற எழுத்தாளருமாகிய தோழர்.எஸ்ஸார்சி  அவர்கள் அறிமுவுரையாற்றினார். ‘நாம் யார்க்கும் குடியல்லோம்’ என்று முழங்கிய அப்பர் சுவாமிகள் அவதரித்த ஊர் கடலூர் எனத் தொடங்கி, சுந்தரர், வள்ளலார் என மகான்களும் ஜெயகாந்தன் முதலான எழுத்தாளுமைகளும், பல தொழிற்சங்கத் தலைவர்களை உருவாக்கிய, சிரில் முதலிய தலைவர்கள் வாழ்ந்த மண் என கடலூரின் பழமையைக் கூறினார். கடந்த 15 ஆண்டுகளில் தமிழ்விழாக்களில் தமிழகத்தின் பல்துறைச் சான்றோர்கள் கலந்து கொண்ட நிகழ்வுகளை நினைவூட்டி இன்றைய விழாவின் சிறப்பு விருந்தினர் எழுத்தாளர் நமது மைலம் பகுதியைச் சார்ந்தவரும்  முன்பு அஷ்வகோஷ் என அறியப்பட்டவரும், இன்றைக்கு இராசேந்திரசோழன் என இயங்கி வரும் பெருமகனாரின் பெருமைகளைச் சபையோருக்கு அறிமுகம் செய்து அவரது சிறுகதை ஒன்றை சுவைபட எடுத்துக்கூறி, அதில் தென்னார்காடு மக்களின் வழுக்காறுகள் எவ்வாறு வர்ணிக்கப்படுகிறது என்பதை விளக்கினார்.
     பின்னர் நேற்று மறைந்த மெல்லிசை மன்னர் M.S.விஸ்வநாதன், சிறுகதை மன்னர் ஜெயகாந்தனின் திருஉருவப் படங்களுக்கு சபையோர் சார்பில் மேடையில் இருந்த தலைவர்கள் மலரஞ்சலி செலுத்தினர்.
     விழாவின் முக்கிய நிகழ்வான மாணவர்களுக்கு பரிசளித்தல் சிறப்பாக நடைபெற்றது. நமது முதுநிலைப் பொதுமேலாளர் திருமதி. செ.லீலா சங்கரி ITS/CDL அவர்கள் தமது கரங்களால் மாணவ, மாணவியர்களுக்கு ரொக்கபரிசு, புத்தககங்கள், சான்றிதழ்களை வழங்கினார். மிகுந்த பொறுப்போடு தமது உரையை தமிழில் தயாரித்து வாசித்தார். கடலூர் மாவட்ட மேன்மக்களாகிய அப்பர், சுந்தரர், ஞானியார் அடிகள் புதுமைப்பித்தன், முதலியவர்களை பற்றி  எடுத்துக் கூறி NFTE சங்கம், சங்க வேற்றுமை பாராட்டாது BSNL அதிகாரிகள், ஊழியர்கள் அனைவரையும் உள்ளடக்கி தமிழ்விழாவை சிரில் அறக்கட்டளை மூலம் நிகழ்த்துவதை பாராட்டினார்.
     நமது மாவட்ட உதவித்தலைவர் தோழியர்.கீதா பொதுமேலாளருக்கு பொன்னாடையும், நமது மாவட்டச் செயலர் இரா.ஸ்ரீதர் தில்லைக் கூத்தனின் சிலையை விழா நினைவுப் பரிசாக அளித்தனர்.
     வாழ்த்துரைப் பகுதியில் அனைத்து சங்கங்களின் தலைவர்கள் பங்கேற்றனர். முதலில் NFTE சம்மேளனச் செயலர் தோழர் கோவி.செயராமன், “தமிழ் விழாவை நடத்த இந்த நாளைத் தேர்ந்தெடுத்ததற்குப் பாராட்டுத் தெரிவித்தார். “இந்த நாள் காமராசரின் பிறந்த நாள் மட்டுமல்ல, தனித்தமிழ் இயக்கத் தந்தை மறைமலை அடிகளாரின் பிறந்த நாளும் ஆகும்” மாவட்ட சங்கம் சிரில் அறக்கட்டளை தோற்றுவிக்கபட்ட பின்னணியை விவரித்து “அறக்கட்டளை அடுத்த கட்டம் நோக்கி நகர்வது தமது விருப்பம்” என்றார். “நம்மிடம் நிதிக்குப் பிரச்சனை இல்லை.” நம்மிடம் நிதி உள்ளது. எனவே வெறும் பரிசளிப்பு நிகழ்வோடு நின்றுவிடாது. மேலும் சில இலக்கிய நிகழ்வுகளை நடத்திடத் திட்டமிட வேண்டும்” என வாழ்த்தினார்.
     SNEA சங்கத்தின் மாவட்டச் செயலர் தோழர் ப. சிவக்குமார் தமது வாழ்த்துரையில் தமிழ் மொழியின் வல்லின, மெல்லின அமைப்பு முறை அவை சொற்களில் கையாளப்படும் இயல்பான ஓசை நயம் இவற்றை கவிக்கோ அப்துல்ரகுமான் அவர்களின் வழிநின்று எடுத்துரைத்து, பரிசுபெறும் மாணவ செல்வங்கள் மற்றும் அவர்தம் பெற்றோர் திருக்குறள் இரண்டு குறட்பாக்களுக்கு இலக்கணமாகத் திகழ்கின்றனர் எனப் பாராட்டினார். சோழநாட்டில் பிறந்து, பாண்டிய நாட்டில் பயணித்து, சேரநாட்டில் கோயில் கொண்டதைக் கொண்டாடும் சிலப்பதிகாரம் போல NFTE சங்கம் அனைத்து சங்கங்களையும் இணைத்து செயல்படுகிறது” எனப் பாராட்டினார்.
     AIBSNLEA சார்பில் தோழர் S.நடராசன் வாழ்த்துரையில் தமிழில் ‘ழ’ கரத்தின் சிறப்பையும் தமிழின் வளமையும் கூறி மாணவர்களைப் பாராட்டினார்.
     BSNLEU சங்கத்தின் மாவட்டச் செயலர் க.திருஞானசம்பந்தம், ”நமது வாழ்வின் அனைத்துச் செயல்பாடுகளிலும், தமிழ்மொழி காப்பது உள்பட அரசியல் இருப்பதை எடுத்துக் காட்டினார்.
         
விழாவின் அடுத்த முக்கிய நிகழ்வு, சிறப்பு அழைப்பாளர் எழுத்தாளர் இராசேந்திர சோழனின் ‘சனங்களின் கதை’ என்ற தலைப்பில் அமைந்த ஆழ்ந்த அழுத்தமான தர்க்க ரீதியலான தெளிந்த பேச்சு, விவாதத்திற்கு உரிய பொருண்மை பற்றியும் நாகரீகமாக நமது சிந்தனைக்கு முன் வைத்தார். அவரது உரையில்,
 “சனங்கள் எனும் போது உலகின் எந்த சனங்கள்? நான் தமிழ் சனங்கள் என்றே வரையறுத்துப் பேசுகிறேன்.  மனிதர்களுக்கு அடையாளம் முக்கியம். அச்சில் வார்க்கப்பட்டதுபோல அனைவரும் ஒரே பிரதி போல இருந்தோம் என்றால் வாழ்க்கை ருசிக்காது. பல அடையாளங்கள் உள்ளன, நிறம்,உயரம்,வாழும் இடம், பேசும் மொழி, சார்ந்துள்ள மதம், பிறக்க நேர்ந்த சாதி என மனிதர்களுக்குப் பல அடையாளங்கள் உள்ளன. இதில் எந்த அடையாளங்கள் இல்லாமலும் நாம் வாழ முடியும் எந்த அடையாளங்களை இழக்க முடியாது என்பதில் நமக்கு தெளிவு வேண்டும்.
நாம் மதம் மாறலாம், மதம் சாராமலும் வாழலாம், ஆனால் மதம் மாறிய பின்பும் நம்மை விடாது நிற்பது சாதி, சாதி அமைப்பு ஜனநாயகமற்றது. அதனை ஒழிக்க கலப்பு திருமணங்களை ஆதரிக்க வேண்டும். ஆனால் அவர்களின் குழந்தைகள் இன்று பெற்றோர் இருவரில் எவரின் சாதியையும் சேர்ந்தவராய் இருக்க சட்டம் அனுமதிக்கிறது. அவர்கள் கலப்பு மண சந்ததியர் எனக் குறிப்பது ஒன்றே எதிர்காலத்தில் மறையச்செய்யும் வழி.
மொழி அடையாளத்தை எவரும் விட்டுவிட முடியாது. மொழிதான் ஒரு தேசிய இனத்தின் அடையாளம். கருத்துக்களை, எண்ணங்களை வெளியிட உதவும் ஒரு கருவிதான் மொழி எனக் கூறும் இடதுசாரிகள் கருத்து  அவ்வளவு சரியானது அல்ல. நன்றி என்ற ஒரு வார்த்தைக்கு பதில் thanks என்ற வார்த்தையே தொடர்ந்து பயன்படுத்துவோம் என்றால், சில தலைமுறைக்குப் பிறகு தமிழில் நன்றி என்ற சொல் காணாது போகும். இது மொழி சிதைவுக்கும் அழிவுக்கும் வழிவகுக்கும். மாணவர்கள் எவ்வளவு மொழிகளை வேண்டுமானாலும் கற்றுக் கொள்ளட்டும். ஆனால் தாய்மொழியை விட்டு விட்டுவிடக் கூடாது. மொழி அழிந்தால், அந்த தேசிய இனம் அழியும்.
பகுத்தறிவாளர்கள் கடவுள் இல்லை என்று கூறுகிறார்கள். எந்தக் கடவுள் இல்லை? சாராயமும், சுருட்டும், பலியிடுதலையும் ஏற்கும் எம் சனங்களின் கிராமந்திரக் கடவுளா? அல்லது பொங்கல், சர்க்கரை பொங்கலை மட்டுமே ஏற்கும் மேல்தட்டுக் கடவுளா? எந்தக் கடவுள் இல்லை?
கிராமங்களில் மாரியாத்தாக்களுக்கு கூழ் ஊற்றுவதை நம்பிக்கையோடு செய்யும் எம் சனங்களை கடவுள் இல்லை, என்று நிறுத்தி விட்டால், கூழ் ஊற்றும் திருவிழாவோடு பம்பை, உடுக்கை, முதலிய இடைக்கருவிகளும் கதை சொல்லுதல் என தமிழனின் பண்பாட்டுக் கூறுகளும் அழிந்து போகாதா?
இது குறித்த பல்வேறு புத்தககங்கள் உள்ளன. தமிழன் என்ற தேசிய இனம், தனது அடையாளங்களை இழந்து விட நாம் அனுமதிக்கக் கூடாது என உங்களிடம் கேட்டுக்கொள்கிறேன்.
தமிழ் மொழி குறித்து நீங்கள் விழா நடத்துவது எனக்கு மகிழ்ச்சியைத் தருகிறது. வாய்ப்புக்கு நன்றி”  
விழா திட்டமிட்டபடி குறிப்பிட்ட நேரத்திற்குள் சிறப்பாக நடைபெற்றது. இதற்கு ஒத்துழைத்த தோழர்கள், பல்லாற்றானும் விழா சிறக்க உழைத்தோர், விழாவில் கலந்து கொண்ட தொழிற்சங்கத் தலைவர்கள், தோழர்கள், மாணவர்கள்,அவர்தம் பெற்றோர்கள், பக்கத்துக்கு மாவட்டமான புதுவையிலிருந்தும், மாவட்டத்தின் பல்வேறு பகுதியிலிருந்தும் திரளாகக் கலந்து கொண்ட தோழர்கள், ஓய்வு பெற்றோர், கடலூரின் பல தமிழ் அமைப்புகளின் சான்றோர் பெருமக்களுக்கு அறக்கட்டளை செயலர் வீ .லோகநாதன் நன்றி கூறினார்.
அனைவருக்கும் எளிமையான, சுவையான உணவு ஏற்பாடு செய்யப்பட்டிருந்தது. விழாவிற்கு உணவு அளித்த மூத்தத் தோழர் K.செல்வராஜ் STS அவர்களுக்கு நமது மாவட்ட சங்கத்தின் நன்றிகள்.
விழாவில் மூத்தத் தோழர். தமிழ்மணி, மத்திய சங்க சிறப்பு அழைப்பாளர் தோழர். காமராஜ், திரு K.சமுத்திரவேலு DGM, திருமதி N.ஜெயந்திஅபர்ணா DGM, திரு.K.சாந்தகுமார் DGM(FIN) மற்றும் அதிகாரிகள், மேலும்  கூத்தப்பாக்கம் இலக்கிய சோலையின் தலைவர் பாச்சுடர் வளவ.துரையன், பொறுப்பாளர் வெங்கிடபதி, கடலூர் தமிழ்ச் சங்கத்தின் தங்க சுதர்சனம், பெரியார் பெருந்தொண்டர் வழக்கறிஞர் அழகரசன், த.மு.எ.க சங்கத்தின் மாவட்ட செயலர் பால்கி, பாரதிதாசன் நற்பணி மன்றத்தின் கடல் நாகராஜன் பலரும் விழாவில் கலந்து கொண்டு விழாவுக்கு சிறப்பு சேர்த்தனர்.
அனைவருக்கும் மாவட்ட சங்கத்தின் நன்றி!